ABŞ-ın Azərbaycandakı səfirliyi 2022-2023-cü tədris ili ərzində 901 azərbaycanlının ABŞ-da təhsil aldığını bildirməkdən məmnundur. 

Səfirlikdən bildirilib ki, bu, əvvəlki illə müqayisədə 23,8% çoxdur. 
ABŞ-ın Azərbaycandakı səfirliyinin müvəqqəti işlər vəkili Huqo Gevara qeyd edib ki, bu, “innovasiya, əməkdaşlıq və birlikdə uğur qazanmaq imkanlarının əhəmiyyətli dərəcədə artması” deməkdir: 

"Səfirlik həmçinin qürur hissi ilə elan edir ki, Birləşmiş Ştatlar beynəlxalq təhsil üçün qlobal miqyasda ən çox üstünlük verilən istiqamət olaraq qalır və bir milyondan (1 057 188) artıq beynəlxalq tələbəyə ev sahibliyi edir. Beynəlxalq tələbə mobilliyi diplomatiya, innovasiya, iqtisadi rifah və milli təhlükəsizlik üçün önəmlidir. Katib Blinkenin dediyi kimi, “Beynəlxalq mübadilələr bizə kritik məsələlərdə əməkdaşlıq etməyə kömək edən yeni əlaqələr yaradır... buna görə də beynəlxalq təhsil diplomatiyamızın və milli təhlükəsizliyimizin vacib hissəsidir”.